【財經卒仔:對折現率既深思】

財經卒仔

我自己做估值,一般都係用現金流折現DCF既方法做,所以assume一個折現率係無可避免既問題。如果學過finance既人,多數會用CAPM(capital asset pricing model)黎定個折現率。但我以下所講既野可能會打破你以往既認知!

何謂折現率?

CAPM簡單黎講就係用黎計算一個經風險調整後折現率(risk adjusted required rate),咁喺現代金融學上,咩為之風險呢?就係股票return既波動率(volatility)。所以如果間企業既return既波動率愈高,咁佢個折現率就會愈高。

巴神的最低折現率

但巴菲特從根本上否定咗呢套理論。佢話用股票return既波動率黎定義風險本身就係無腦,佢呢句說話動搖咗整個現代金融學,否定咗成套portfolio theory!巴神話有嘜理由,股票大跌之後(大跌之後股票return既波動率會急升),個風險仲高過之前?大跌之後,喺低位買,風險梗係細好多啦!所以股神絕對唔係用CAPM之類既方法黎搵折現率,股神就係簡單用treasury yield黎做折現率,而且經佢考慮既企業,全部都係用同一個折現率,唔會因應企業或行業調整!當然,巴神話佢會有個threshold rate(最低折現率),但其實唔係真係咁重要。我地要睇返投資既本質係嘜野。投質就係比較,就係喺我地自己所能夠理解既投資產品(包括現金)入面比較,搵出最高回報率既投資標的。所以本質上黎講,折現率係機會成本,如果你有個投資產品既回報率係8%,咁你唔會彩只有7%既投資產品,8%就係你既折現率,直至你搵到高過8%既投資產品。

All cash is equal

至於點解全部投資產品都用同一個折現率。因為all cash is equal,只要嗰間企業能夠理解,大概率估到佢既前景,佢產生既現金都係真金白銀,咁同一折現率適用所有企業。巴神話如果因為唔解企業,判斷唔到企業既未來前景,咁佢就會直接放棄,而唔係話,將佢既折現率由7%升上去9%,彌補佢個風險,咁樣做佢話純粹係玩數字遊戲。

*此文章由專欄作家:財經卒仔提供

FB: 財經卒仔 (https://www.facebook.com/FinSmallSoldier/)

IG: @finsmallsoldier

免責聲明:本平臺發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平臺及相關作者無關。而WavingCat旗下網站或社交平臺的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓