【HKTV出盈警 2021年第三季蝕到媽媽聲】

HKTV出盈警,頭三季盈利同經調整後EBITDA分別按年大跌78.5%同57.0%,咁即係得返4千萬同1.2億,大幅少過今年中期既9.5千萬同1.44億,咁咪即係第三季蝕到媽媽聲囉。

HKTV第三季蝕到媽媽聲

王維基解釋話,因為消費券喺8月同10月發放,競爭激烈,所以7月時攪咗個「350 港元購買500港元電子禮券計劃」(我都買咗3張),點知呢個promotion喺第三季燒咗佢7.2千萬,成個計劃7月至10月,總共燒咗8.4千萬。佢仲話,因為呢個promotion,第三季多咗9.9萬個新客,除返開平均每個獲客成本要724蚊,但都好貴囉。

已經有啲塘水滾塘魚既感覺

燒咗咁多錢攪promotion,第三季GMV都係多過第二季16.8%。估唔到今年既競爭都幾惡劣,已經有啲塘水滾塘魚既感覺。不過HKTV都攪成咁,其他電商都唔使旨意賺錢。諗落今年香港啲電商好似係積極咗,梗係睇到上年HKTV開始賺錢,大家都加大投入,呢場係耐力賽,睇下邊個頂唔順先。好在HKTV已經賺錢,短期增長主要靠廣告收入,長期就要睇12月既「EESE」攪成點,輸出技術既輕資產模式攪唔攪得掂。

*此文章由專欄作家:財經卒仔提供

FB: 財經卒仔 (https://www.facebook.com/FinSmallSoldier/)

IG: @finsmallsoldier

免責聲明:本平臺發佈的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本平臺及相關作者無關。而WavingCat旗下網站或社交平臺的網誌內容及觀點,僅屬筆者個人意見,與WavingCat立場無關。WavingCat對因上述人士張貼之資訊內容所帶來之損失或損害概不負責。

WavingCat提供即時全面的樓市、移民、置業、財經、加密貨幣、獨家優惠資訊。無論你係投資新手定係資產管理大師,WavingCat都會幫你捉緊錢途。

Follow我們 Social Channel 得到最新資訊 : IG: wavingcat.hk FB: WavingCat招財貓